Apple компани WWDC 2026 арга хэмжээний үеэр төхөөрөмж дээр шууд ажиллах хамгийн дэвшилтэт хиймэл оюуны загварынхаа талаар дэлгэрэнгүй мэдээлэл өглөө. Гэвч шинэ боломжуудыг ашиглахад өндөр техник хангамжийн шаардлага тавигдаж байгаа нь анхаарал татаж байна.
Apple-ийн мэдээлснээр шинэ AI загвар нь одоогоор хоёр үндсэн боломжийг дэмжих юм. Үүнд Siri-ийн илүү байгаллаг, хүний ярианд ойртсон дуу хоолой болон системийн хэмжээнд ажиллах диктант буюу яриаг текст болгон хөрвүүлэх функцийн нарийвчлалыг мэдэгдэхүйц сайжруулах боломж багтаж байна.
Гэсэн хэдий ч эдгээр боломжуудыг ашиглахын тулд хамгийн багадаа 12GB нэгдсэн санах ой (Unified Memory) шаардлагатай аж. Үүний улмаас одоогийн iPhone загваруудаас зөвхөн iPhone Air, iPhone 17 Pro болон iPhone 17 Pro Max төхөөрөмжүүд шинэ AI загварыг бүрэн дэмжихээр байна.
Мөн M4 болон түүнээс шинэ чиптэй iPad төхөөрөмжүүд, M3 болон түүнээс хойших үеийн Mac компьютерууд, түүнчлэн M5 чиптэй Apple Vision Pro төхөөрөмжүүд энэхүү боломжийг ашиглах боломжтой.
Харин стандарт iPhone 17 загвар ердөө 8GB санах ойтой тул шинэ шаардлагыг хангахгүй байна. Хэдийгээр 8GB RAM нь Apple Intelligence платформыг ашиглах хамгийн доод шаардлага хэвээр байсан ч Apple анх удаа энэхүү босгыг 12GB болгон нэмэгдүүлж байгаа нь энэ юм.
Ингэснээр үндсэн iPhone 17 загварын хэрэглэгчид Siri-ийн шинэ дуу хоолой болон илүү нарийвчлалтай диктант зэрэг хамгийн сүүлийн үеийн AI боломжуудаас хоцрох нөхцөл үүсээд байна.
эр сурвалж: https://www.macrumors.com/
Huts
ain