Манай нийслэл хотод компьютер, техник электрон барааны 8 том худалдааны төв байна. Үүн дотроос хэрэлэгчдийн хэрэгцээ шаардлагад нийцсэн баталгаатай бүтээгдэхүүн нийлүүлэгчид нь аль хэдийнэ бидний танил болсон байдаг. Үнийн хувьд ч харьцангуй адил юм. Энэ карентиний үеэр зав гараад хэдэн өдөр үнийг нь харьцуулж судалгаа хийхэд үнэ дагаад чанар бүр цаашлаад баталгаат хугацаандаа Монголоос үйлчилгээ авах нь л чухал юм гэдгийг ойлголоо. Миний ойлгодгоор бол компьютерийн үйлдвэрлэлийн салбартаа дэлхийд чанараа тэргүүлэгч нь Dell брэнд. Ямар зорилгоор ашиглах гэж байна гэдгээсээ хамаараад дотроо олон нэршлүүдтэй. Бараг л тэд нар нь бас брэнд болчихсон. Монголчуудын сайн мэдэх гурав нь Vostro, Inspiron, Latitude.
Хамгийн өндөр үнийг чанар дагадаг. Dell -ийн компьютеруудыг Зүүн хойд ази дахь үйлдвэрлэгчээс шууд нийлүүлдэг PCmall худалдааны төвд компьютерууд нь бусдаасаа хамгийн өндөр үнэтэй байна. Тэр нь ч аргагүй биз. Summit компани технологийн чиглэлээр үйл ажиллагаа явуулаад 10 гаруй жил боллоо. Бусад гэр ахуйн цахилгаан барааны худалдаа борлуулалтаараа ч дээгүүр ордог байх гэж анзаарсан. Хэрэглэгч аль хэдийн зах зээлд байр сууриа олсон ийм газраас компьютер авах нь бас нэг талаараа шууд баталгаа болж өгнө. PCmall гээд сонсохоор бараг л цахилгаан барааны брэнд шиг болчихож. Очоод бүтээгдэхүүн авахад энэ нэрээрээ танд сэтгэл ханамжийн баталгааг өгч өндөр үйлчилгээг үзүүлэх байх. Чадахгүй бол тэгээд сошиалаар дамжаад нэр хүндээ алдахад их амархан болсон доо.
Харьцуулалт. Энэ дэлгүүрийг бусад ижил төрлийн онлайн худалдааны дэлгүүрүүдтэй харьцуулахад CPU i7-9700 буюу 9-р үеийн I7 компьютерийг 4 сая 600 мянга орчим төгрөгөөр авах нь. Энэ нь дэлгүүрт нь зарагдаж байгаа бусад компьютеруудаас үзүүлэлтээрээ ч хамгийн илүү, үнээрээ ч хамгийн өндөр нь юм. Хэрэв та ийм төрлийн компьютер хайж байсан бол бусад дэлгүүрүүдэд харин яг ийм CPU-тэй ижил компьютер байсангүй. Тиймээс магадгүй эднийхийг сонгож таарах нь. Бас ч гэж хэт өндөр үнэтэй юм уу гэх хардлагаар лавшруулан судлаад үзэхээр энэ нь дэлхийн зах зээлийн үнэтэй дөхөж очсон боломжийн төлбөр юм. Лав л илүү гараагүй байна. Авах дээрээ тулвал очиж үзээд баталгаат хугацааных нь талаар сайн тодруулах нь зүйтэй юм. Түүн дотроо юу юуны гэмтэл багтах уу гэх мэтийг асуух хэрэгтэй. 4’600’000 орчим төгрөг бол бас мөнгө шүү. Авсан бол хэргийг нь гаргаж сайн ашиглах хэрэгтэй.
Хэрэглээ. Ийм компьютер авчихаад тоглоом тоглоод байвал утгагүй. Учиргүй донтчихоогүй л бол. Харин миний хувьд ийм компьютерийг видео контент бүтээгч эсвэл программистууд ашиглахад маш тохиромжтой гэж хэлнэ. Тэр дундаа гар утасны програм бүтээгчид ашиглахад боломжийн үзүүлэлт дотор нь байна. Барилгын зураг төлөвлөлт, Архитектурын нарийн хийцлэл шаардлсан дижитал бүтээл туурвидаг хүнд бол видео картаа бага зэрэг сайжруулах хэрэгтэй байх. Түүнээс бусдаар бол дажгүй үзүүлэлт, давгүй ажлын багаж болох нь ээ.
Нийтэлсэн: Базар
